Actualidade

Mércores, 28 de setembro de 2022
Lara Méndez recibe aos integrantes do Club Ritmo Lugo que se alzaron con 45 medallas nos Nacionais de Hip Hop e Bailes Caribeños

A rexedora desexou “a mellor das sortes” aos membros da academia lucense que foron seleccionados para competir en outubro no Mundial de Varsovia (Polonia).

 
Mércores, 28 de setembro de 2022
Benestar porá en marcha mesas de detección de fraxilidade cognitiva e funcional durante a celebración das Xornadas de Atención a Maiores

Instalaranse na Praza Nemesio Cobreros, en horario de 11:00 a 13:00 horas e de 16:00 a 18:00 horas, este sábado, en paralelo ao programa de charlas que acollerá o Vello Cárcere.

Olga López: “Médicos de xeriatría realizarán unha valoración de fraxilidade a todas as persoas interesadas e informarán de como proceder, se detectan casos de risco”.

Ao longo do día, recoñecidos expertos galegos e nacionais reflexionarán sobre como mellorar a calidade de vida das persoas maiores, nunhas xornadas abertas e gratuítas.

Mércores, 28 de setembro de 2022
A Policía Local notifica a suspensión de actividade da discoteca Puro Teatro por contaminación acústica

A medida, de orixe cautelar, efectivizarase este venres se a propiedade do establecemento non procede ao seu peche.

Axentes do Corpo constataron con diferentes medicións que as emisións de sonido do local superaban os valores establecidos na normativa en vigor.

A intervención, a cuarta que se realiza no último ano, obedece á directriz dada pola alcaldesa, Lara Méndez, de actuar contra os negocios que prexudiquen á convivencia cidadá.

Luns, 26 de setembro de 2022
A área de Muller inicia unha campaña de sensibilización con motivo do Día Mundial da prevención do embarazo non planificado en adolescentes

Componse de varias publicacións en redes sobre a importancia do consentimento nas relacións, métodos anticonceptivos ou a importancia de poder elixir.

 
Luns, 26 de setembro de 2022
O Concello apoia ás Escolas Deportivas cedendo gratuitamente as instalacións municipais para que desenvolvan a súa actividade

As modalidades deportivas ofertadas son baloncesto, balonmán, béisbol, esgrima, loitas olímpicas, patinaxe, pentatlón, triatlón, piragüismo, rugby, taekwondo, tenis, tenis de mesa, hóckey en liña e waterpolo.

A inscrición permanece aberta coa previsión de que a súa programación arrinque no mes de outubro.

Luns, 26 de setembro de 2022
A historia de superación de Miliki centrará unha nova conferencia dentro do ciclo de charlas de alto impacto Localmente Lucense

Será a 2ª sesión deste ciclo, na que se abordarán cuestións como a resilencia, a reinvención e o traballo en equipo, baixo o título “A vida é como un circo”.

Ana Abelleira: “O obxectivo é inspirar o emprendemento, da  man de profesionais de prestixio, e fomentar o orgullo lucense entre o empresariado e o público local”.

As inscricións para participar na conferencia poden realizarse de forma totalmente gratuíta a través da páxina web www.localmentelucense.gal/charlas-de-impacto.

Luns, 26 de setembro de 2022
Lara Méndez supervisa as obras do parque que lembrará no Carme ás vítimas e aos profesionais que loitaron en pandemia

A Alcaldesa de Lugo quere crear con especies autóctonas un espazo para a reflexión e a lembranza “dunha etapa dura e histórica” nunha das zonas máis emblemáticas da cidade.

Mellorarase a accesibilidade mediante un itinerario practicable para os usuarios da Vía XIX e o Camiño Primitivo que non poidan salvar a escalinata que dá acceso á Rolda do Carme.

Luns, 26 de setembro de 2022
Comunicado de prensa de Policía Local de Lugo

Servizos destacados durante a fin de semana do 23 ao 25 de setembro.