Actualidade

Venres, 01 de decembro de 2023
Abre a inscrición do programa municipal Aprende Xogando para o 2º trimestre do ano, en apoio á conciliación laboral e familiar

O prazo de inscrición do programa Aprende Xogando inclúe tanto as vacacións de Nadal como o segundo trimestre do curso escolar 2023/2024.

As solicitudes para este servizo poderán efectuarse até o 7 de decembro a través do correo electrónico aprendexogando@lugo.gal

Venres, 01 de decembro de 2023
Lara Méndez reivindica políticas de discriminación positiva para fixar poboación na zona interior do Eixo Atlántico

A alcaldesa defendeu a activación de políticas sociais e económicas encamiñadas a reverter o despoboamento no eixo interior, que vai de Lugo a Mirandela, favorecendo a cohesión do territorio na eurorrexión Galicia-Norte de Portugal.

A presidenta do Eixo aposta por unha acción pública que redefina a imaxe do rural, que co emprego das tecnoloxías actuais e unha correcta dotación de servizos, pode equipararse ao modo de vida urbano.

“A fixación de poboación nos territorios de interior pasa necesariamente pola activación económica do seu tecido social e empresarial, por iso apostammos pro iniciativas como Lugo Trasnforma”, sinalou.

Venres, 01 de decembro de 2023
O mercado de Nadal volve á Praza Maior para dinamizar o comercio de proximidade con actividades infantís e espectáculos para as familias

Lara Méndez pon en marcha de novo esta iniciativa, ante o éxito da primeira edición celebrada en 2022 e que supuxo un importante pulo económico para os participantes.

“Buscamos crear un ambiente festivo que contribúa á promoción da cidade e a atraer visitantes, ao tempo que promovemos os produtos e servizos locais”, subliñou a rexedora.

Ademais das casetas, a disposición dos comercios de balde en quedas semanais, ambientarase a praza, instalarase un poboado navideño e activaranse actividades infantís.

Venres, 01 de decembro de 2023
Lara Méndez: “É máis necesario que nunca amosar que somos a suma daqueles que nos precederon, non a súa división”

A alcaldesa defendeu na entrega das Medallas de Ouro da cidade aos 19 colectivos de recreación histórica do Arde Lucus o valor do pasado como motor para acadar unha sociedade máis tolerante.

A rexedora enxalzou a achega invaluable destas asociacións na consecución do  distintivo de Festa de Interese Turístico Internacional e o seu labor para proxectar a imaxe de Lugo e a súa indetidade cultural no mundo.

Os representantes das entidades romanas e castrexas agradeceron o galardón e sinalaron que todo o seu traballo pretende ilusionar á veciñanza e aos e ás visitantes para que participen nesta celebración.

Venres, 01 de decembro de 2023
Un encontro de corais celebra no Vello Cárcere o aniversario da declaración da Muralla como Patrimonio da Humanidade

Ferreiro: “o aniversario da declaración da Muralla como Patrimonio da Humanidade é unha das datas máis importantes para Lugo”.

Mércores, 29 de novembro de 2023
O Lugo sostible que impulsa Lara Méndez será a única cidade española con presencia activa na reconstrución de Ucraína

O Concello lucense é o único ente municipal do país presente na conferencia de alto nivel europeo, que estes días reúne en Lituania a máis de 120 representantes internacionais.

Lugo estará presente nas conferencias políticas nas que se exporán proxectos líderes para ir preparando unha recuperación verde e ecolóxica deste pais agora en guerra.

A rexedora espera que “os traballos e a experiencia da nosa cidade sirvan para asentar as bases e afrontar os retos que Ucraína ten por diante cando poida iniciar un futuro en paz”.

A estratexia LIFE, coa que Lugo deseña as urbes sostibles do futuro e aplica solucións verdes en zonas xa edificadas, e o edificio Impulso Verde tiveron gran protagonismo.

O público obxectivo da conferencia na que interveu Lugo foron arquitectos, contratistas e empresarios de quen se espera que participen efectivamente no proceso de reconstrución.

Mércores, 29 de novembro de 2023
Lara Méndez explicará á veciñanza da Milagrosa e o barrio Feijoo os proxectos de mellora deseñados para a contorna

A alcaldesa de Lugo fixará co tecido asociativo as datas de diferentes reunións nas que informará sobre os próximos pasos a dar para obter a declaración desta zona como Entorno Residencial de Rehabilitación Programada.

Nos encontros, a rexedora e o equipo redactor trasladarán os detalles das actuacións propostas, para cuxo deseño definitivo se terán en conta as achegas realizadas polos colectivos.