O Alcalde de Lugo, José López Orozco, participou esta mañá na entrega de premios A USC crea, a USC innova cuxo primeiro galardón recaeu nun proxecto lucense.
A Xunta de Compras do Concello de Lugo aprobou esta mañá a contratación da redacción dun proxecto para levar a cabo a restauración e valorización da piscina romana da Praza de Santa María, así como a dirección técnica das obras, por un total de 17.748 euros.
A adxudicataria que contará con 45 días para a redacción do proxecto é a empresa Tomos Conservación y Restauración SL.
O Concello de Lugo convocará a semana próxima o concurso para a prestación do servizo do matadoiro. Así llelo trasladaron esta tarde o Alcalde da cidade, José López Orozco, e a Concelleira de Economía e Emprego, Sonia Méndez ao sector cárnico nunha reunión mantida esta tarde no Concello.
A nova concesionaria estará obrigada a subrogar aos traballadores e acometer as obras necesarias para prestar un servizo de calidade.
O Alcalde de Lugo, José López Orozco, acompañado da Concelleira de Economía e Emprego, Sonia Méndez, deu conta hoxe dos proxectos que o Executivo pretende financiar con cargo ao Fondo Estatal de Investimento Local 2010. O Alcalde expúxolle as súas propostas á oposición co obxectivo de alcanzar un acordo entre todos os grupos. López Orozco destacou que o FEIL suporá que “unha importantísima inxección en investimento e gasto social”.
O Alcalde de Lugo, José López Orozco, mantivo hoxe unha xuntanza cos portavoces dos grupos políticos con representación no Concello para darlles conta das ideas nas que traballa o Goberno Local en relación cos proxectos que o ano próximo poderán ser financiados a cargo do FEIL.
López Orozco expuxo que entre as prioridades do Goberno se atopan, entre outras:
- Plan Director do Parque de Frigsa
- Plan Director do Parque de Rosalía
- Acondicionamento do MIHL e do seu contorno
O Alcalde de Lugo, José López Orozco, inaugurou hoxe unha xornada sobre o emprego e a competitividade na estratexia de Lisboa onde apostou “pola innovación tecnolóxica, a cualificación e a modernización empresarial como os eixos para a recuperación económica”.
O Concello en Pleno aprobou hoxe a modificación das ordenanzas fiscais e das ordenanzas reguladoras de prezos públicos para o vindeiro ano 2010 que inclúen a conxelación de todos os impostos, taxas e prezos públicos.
O xurado do concurso para a peonalización da rúa San Marcos elixiu esta mañá o anteproxecto gañador que responde ao presentado por Dopi Arquitectos Asociados SLP, Camina Ingeniería S.L. e Arborejardin SL.
O anteproxecto elixido polo xurado, entre os dez presentados, destaca pola súa calidade e pola recuperación deste espazo público e a adecuación do contorno. Ademais, unha das características destacadas polos membros do xurado foron as medidas de accesibilidade propostas.
A Concelleira de Economía e Emprego, Sonia Méndez, mantivo hoxe unha nova xuntanza para tratar o tema da nova tarifa da auga cos técnicos municipais e a oposición.
A proposta do equipo de Goberno contou co voto a favor do BNG e a abstención do PP, así como cos informes favorables dos técnicos municipais. Esta proposta será levada o vindeiro xoves día 5 de novembro a un pleno extraordinario.
O Concello de Lugo ten como obxectivo a promoción do emprego e do emprendemento polo que está a levar a cabo diferentes actuacións e implementacións, así como actividades de difusión da cultura emprendedora. O próximo evento programado polo Concello será a xornada O emprego e a competitividade na estratexia de Lisboa: prioridade da presencia española na UE en 2010, que terá lugar o vindeiro venres 6 de novembro no CEI-Nodus en horario de mañá.
Páxinas
- « primeira
- ‹ anterior
- …
- 191
- 192
- 193
- 194
- 195
- 196
- 197
- 198
- 199
- …
- seguinte ›
- última »