Actualidade

Ex., 13-04-2024
Ex., 13-04-2024
Venres, 08 de marzo de 2024
A exposición itinerante ‘De meniña a científica. Nin rosa nin azul, materia gris’ pode visitarse ata o domingo na Praza Maior

Ao longo deste mes o Concello organiza actividades culturais e de ocio como o festival Feminist Fest, actuacións de teatro e maxia, e deportivas a través do ‘Corre con elas’.

Venres, 08 de marzo de 2024
Paula Alvarellos: “A contribución das nosas investigadoras é indispensable para impulsar o progreso científico, tecnolóxico e social”

A alcaldesa fixo entrega este venres, 8M, dos galardóns Entre Mulleres a Rosa Romero, Esperanza Álvarez, Cintia Folgueira e Alba Díaz en recoñecemento a súa traxectoria.

“Hoxe temos o privilexio de recoñecer a mulleres brillantes e talentosas que lideran proxectos que contribúen de forma sustancial a transformar a nosa sociedade”, apuntou.

Alvarellos avogou por seguir traballando para eliminar as barreiras que aínda lastran ás mulleres na investigación: desde a falta de financiamiento equitativo ata a brecha de xénero en postos de liderado académico e empresarial.

Xoves, 07 de marzo de 2024
O Concello estuda habilitar terreo municipal como aparcamento temporal para compensar a diminución das prazas que orixinarán as obras da Intermodal

A alcaldesa de Lugo, Paula Alvarellos explicou que “estamos estudando a posibilidade de acondicionar varias parcelas, sitas na contorna da Estación, que nos permitirían paliar a merma de estacionamentos que se produza na zona mentres duren os traballos”.

A rexedora sitúa “próximo” o comezo da intervención do Adif e amosou a súa satisfacción porque “non só está chamada a mellorar as comunicacións da nosa cidade, senón que contribuirá á transformación urbanística dos barrios da contorna”.

Xoves, 07 de marzo de 2024
O Executivo de Paula Alvarellos destina 255.000 euros a modernizar os equipos de intervención específicos do corpo de bombeiros

A alcaldesa visitou este xoves o parque municipal para coñecer de primeira man o novo equipamento que facilitará o traballo diario dos efectivos deste servizo.

“Este investimento repercutirá nunha mellora da seguridade dos traballadores e vaise traducir nuha redución dos tempos de atención a cidadanía en caso de emerxencia”, apuntou a rexedora.

A nova dotación inclúe traxes de intervención para incendios de tipo estrutural, vestimenta de rescate técnico de alta visibilidade, roupas especiais de auga e material de rescate acuático.

Xoves, 07 de marzo de 2024
A Casa da Muller atendeu en 2023 preto de 1.000 consultas sobre asesoramento xurídico, atención psicolóxica e violencia de xénero

O 60% do total correspóndese con consultas sobre cuestións xurídicas como trámites por separación ou divorcios, impagos de pensións, sentenzas incumpridas, etc.

Só o ano pasado abriuse expediente no centro a 153 novas usuarias que solicitaron atención deste servizo municipal e recibiron axuda dos seus profesionais de forma gratuíta.

Ademais, de cara á infancia e mocidade, puxéronse en marcha os programas Aprende Xogando e o Programa Socioeducativo de prevención da violencia de xénero.

Mércores, 06 de marzo de 2024
Os meses de xaneiro e febreiro de 2024 foron os meses con máis usuarios desde que se rexistran datos, con 182.518 usuarios en xaneiro e 180.072 en febreiro     Arroxo: "os datos dos últimos anos demostran que a reforma das liñas está a ser un éxito e que cada vez máis xente opta polo transporte público"

Os meses de xaneiro e febreiro de 2024 foron os meses con máis usuarios desde que se rexistran datos, con 182.518 usuarios en xaneiro e 180.072 en febreiro.

Arroxo: "os datos dos últimos anos demostran que a reforma das liñas está a ser un éxito e que cada vez máis xente opta polo transporte público".

Martes, 05 de marzo de 2024
O Concello actualiza as normas de cesión e uso dos locais do CEI-Nodus para potenciar o ecosistema emprendedor lucense

A Xunta de Goberno Local aprobará esta semana a nova normativa que introduce cambios e melloras con respecto á vixente, do ano 2012.

Repetto: “Buscamos facilitar unha maior rotación nos locais, dando oportunidades a todas e todos os interesados en poñer en marcha os seus proxectos neste viveiro empresarial”.

Os solicitantes só poderán optar a un local e as cesións de uso terán unha vixencia temporal de doce meses, prorrogables por iguais períodos, ata un máximo de 3 anos.

Luns, 04 de marzo de 2024
O equipo de Goberno visita o auditorio de Magoi para abordar a súa apertura

“Estamos a definir distintos aspectos relacionados coa administración, programación e mantemento do complexo no que é necesario que varias áreas municipais traballen de forma coordinada”, sinalou a rexedora tras a xuntanza”.

A posta a disposición da veciñanza do novo complexo será posible tras un investimento municipal que supera os 310.000 euros, orzamento dedicado a solucionar os máis de 200 danos e defectos construtivos que presentaba o inmoble cando foi entregado pola xunta.

Pola súa parte, Rubén Arroxo, valorou o traballo que se esta a realizar polas distintas áreas do Concello para lograr que esta dotación entre en funcionamento.

Páxinas