Actualidade

Ex., 13-04-2024
Ex., 13-04-2024
Mércores, 20 de marzo de 2024
O Concello pon a disposición das persoas interesadas 18 postos de venda de mercadorías na Praza Maior durante a festa do Arde Lucus

A autorización da ocupación terá vixencia durante a edición de 2024 prorrogable por un ano máis. Trátase dos espazos que se atopaban actualmente vacantes, dun total de 57.

Jorge Bustos lembrou que o Concello aprobou en 2022 a normativa para acceder a estes postos “xerando un gran interese entre as e os comerciantes”.

O prazo de presentación de solicitudes será de quince días hábiles contados dende a publicación do anuncio de licitación no perfil do contratante.

O edil explicou que o Concello segue a promover e intensificar a colaboración público-privada de cara a celebración da vindeira edición da festa, do 13 ao 16 de xuño.

Mércores, 20 de marzo de 2024
Maite Ferreiro preside a xuntanza do xurado do XXVI Certame de Narración Curta Ánxel Fole

O escritor Agustín Ángel Agra Barreiro resultou gañadora do certame coa obra O livro das contrárias.

O xurado destacou "pola solidez narrativa, a análise psicolóxica das personaxes, o amplo léxico e a documentación que alicerzan a trama".

Mércores, 20 de marzo de 2024
O Executivo de Paula Alvarellos esixirá no Pleno que a Xunta incremente a achega económica que realiza para asumir o custo orzamentario do Servizo de Axuda no Fogar

“A nosa realidade social abala a necesidade de apostar por un sistema público, áxil e eficiente  que dea solucións efectivas aos coidados derivados da dependencia, algo que o Goberno autonómico non está a facer”, sinalou a edila Olga López Racamonde.

“Ante a falta de compromiso evidenciado  polo goberno de Rueda, desde O Concello apostamos por realizar unha enorme mobilización de recursos municipais para asegurar unha atención de calidade á veciñanza”,  apuntou a concelleira.

Mércores, 20 de marzo de 2024
A Policía Local levantou durante o pasado ano 102 actas de denuncia ao detectar outros tantos vehículos abandonados nas rúas da cidade

A rexedora, Paula Alvarellos, e o Intendente, Jesús Piñeiro, visitaron o depósito municipal de vehículos para coñecer de primeira man a situación destas instalacións.

Alvarellos puxo en valor o traballo da Policía Local pois “a retirada destes automóbiles contribúe a mellorar a seguridade viaria e promover unha contorna urbana máis limpa”.

Destes 102 vehículos: 93 son turismos; 3 remolques; 3 furgonetas e 3 todo-terreo.

Martes, 19 de marzo de 2024
O Concello denuncia actos vandálicos no parque infantil de Campo Castelo e pídelle á cidadanía respecto aos espazos públicos

Miguel Fernández denunciou o estrago de dúas camas elásticas no recén renovado parque infantil durante a pasada madrugada. A Policía Local está a investigar os feitos.

O Concello xa traballa na súa substitución, máis o proceso de solicitude do material e remplazo das mesmas podería dilatarse varias semanas.

O edil lembrou que “o custo do vandalismo pagámolo entre todos, Lugo é a nosa cidade e debemos contribuír a coidar dela e non a estragala”.

Martes, 19 de marzo de 2024

Procederase ao formigonado deste tramo para avanzar nas obras de peonalización da praza de Santo Domingo, enmarcadas no proxecto ‘Corazón verde entre Murallas’.

Cortarase ao tráfico o tramo comprendido entre Armañá e rúa da Raíña, habilitándose un itinerario alternativo na zona lindeira ao Convento das Agustinas para a saída dos vehículos do aparcamento soterrado, residentes e emerxencias.

Durante o tempo que se realice este corte haberá presenza de Policía Local na zona para regular o tráfico e dar as indicacións que sexan precisas. Así mesmo, estas dúas tardes quedará inhabilitada a zona de carga e descarga que está diante da Praza de Abastos.

Martes, 19 de marzo de 2024
Un milleiro de escolares coñecerán as infraestruturas claves da auga en Lugo

O Executivo de Paula Alvarellos e Gestagua, a empresa que xestiona ambas instalacións, relanzan esta actividade para os colexios que se suspendera tras o covid.

As visitas á potabilizadora e á depuradora comezarán esta semana, coincidindo co Día da Auga e continuarán ata finais de curso.

 Ambas infraestruturas están abertas a calquera tipo de grupo, co único requisito dunha solicitude previa no Concello.

Martes, 19 de marzo de 2024
O Concello de Lugo opta a dous obradoiros cos que pretende xerar 42 novos empregos

Trátase  de dous procesos de capacitación, un de xardinería  e albanelaría, de doce meses de duración, e outro de atención sociosanitaria a persoas dependentes en institucións sociais que duraría 9 meses.

Estas ferramentas forman parte dos recursos contemplados polo Goberno local para mellorar as zonas verdes da cidade e ampliar a atención social, iniciativas nas que nos últimos anos investiuse unha cantidade elevada de recursos.

“Agrardamos que estas iniciaitivas municipais, encamiñadas a xerar emprego e mellorar a capacitación profesional da nosa mocidade, sexan acollidas polo Goberno autonómico”, manifestou a alcaldesa Paula Alvarellos.

Luns, 18 de marzo de 2024
O Concello adxudica 27 dos 32 hortos urbanos dispoñibles no Parque de Paxariños

O Executivo de Paula Alvarellos aprobará na Xunta de Goberno Local a listaxe provisional de beneficiarios e abre un novo prazo para a solicitude das 5 parcelas dispoñibles.

Para a concesión dos hortos abriuse un proceso de concorrencia competitiva no que tiveron preferencia as persoas desempregadas, en risco de exclusión ou maiores de 65.

As autorizacións serán persoais e temporais, polo prazo de dous anos vexetativos.

Páxinas