Actualidade

Ex., 15-08-2022
Ex., 15-08-2022
Luns, 08 de agosto de 2022
A concellería de Benestar abre o prazo de inscrición para asistir ás dúas excursións enmarcadas no Programa de Animación Sociocultural

O prazo para inscribirse na primeira excursión estará aberto dende hoxe ata o xoves 11 de agosto, no Centro de Convivencia Maruja Mallo, en horario das 09.00 ás 13.30 horas.

Luns, 08 de agosto de 2022
Comunicado de prensa de Policía Local de Lugo

Servizos destacados da fin de semana do 5 ao 7 de agosto.

Domingo, 07 de agosto de 2022
O goberno de Lara Méndez amplía as actividades de lecer alternativo destinadas á mocidade nas vacacións de verán

O curso de formación como DJ, está organizado polo Concello e subvencionado polo Plan Nacional sobre Drogas.

A inscrición é gratuíta, e estará aberta dende o 8 ata o 18 de agosto, a través da web www.lugomasxti.org.

Venres, 05 de agosto de 2022
A pesar da seca no Miño, a zona prevista para a plataforma de baño mantén o caudal suficiente para inmersións seguras

“Estamos a cumprir os nosos compromisos coa veciñanza para que gocen dun espazo ben acondicionado, e confiamos en que a Xunta reconduza a súa negativa”, sostén.

A Alcaldesa de Lugo, Lara Méndez, achegouse ata o río co edil de Medio Ambiente, onde comezou a instalarse o mobiliario previsto para acondicionar a zona da plataforma.

O Concello pídelle ao PP que non faga demagoxia: “Son coñecedores de que os Robles foi a nosa primeira opción, pero ten moita máis protección e a Xunta non a apoiou”.

Venres, 05 de agosto de 2022
Comezan as obras para eliminar o fibrocemento na traída de 10 rúas do Grupo La Paz, que renovarán o abastecemento en 187 acometidas

A Alcaldesa de Lugo, Lara Méndez, achegouse a ver o avance desta actuación que, cun investimento de 514.000 euros, é a de maior contía incluída no Plan de Erradicación.

A rexedora incidiu na necesidade destas obras para substituír este elemento contaminante, aínda que non tóxico para a saúde, e ter infraestruturas máis duradeiras.

Xoves, 04 de agosto de 2022
A Alcaldesa de Lugo, ante a negativa da Xunta á instalación da plataforma de baño no Miño, abre a gratuidade das piscinas de Frigsa

Lara Méndez eximirá do pago de acceso ás piscinas exteriores para que “ningún veciño deixe de ter a oportunidade de refrescarse ante as altas temperaturas deste verán”.

A rexedora sostén que ante a discriminación do Goberno galego aos lucenses, “desde o Concello habilitamos alternativas porque só nos move o benestar da nosa veciñanza”.  

O Concello presentará alegacións á segunda negativa da Xunta.

“O goberno autonómico avalou a dotación no río, que temos autorizada por 25 anos, e agora nos quere privar dela amparándose en criterios que non se sosteñen tecnicamente”, lembrou.

Xoves, 04 de agosto de 2022
Lara Méndez supervisa o inicio das obras de restauración e musealización da cloaca romana para impulsar a súa divulgación

Unha vez finalizada a actuación que impulsa Alcaldía con fondos europeos e que ten un prazo de execución de oito meses, esta infraestrutura, de hai 1.700 anos, será visitable.

Esta obra avanza cara o firme obxectivo da rexedora lucense de converter a Lugo no epicentro cultural do pasado romano de Galicia e do noroeste peninsular.

A rexedora confía en que este avance supoña un acicate para que a Xunta axude a impulsar o Museo da Romanización en San Fernando.

Xoves, 04 de agosto de 2022
A concellería de Benestar programa dúas excursións para as persoas maiores que mesturan cultura, praia e gastronomía

O Executivo de Lara Méndez prepara dúas viaxes a Noia, o 28 deste mes, e á Illa de Arousa, o 3 de setembro, coincidindo coas festas da Empanada e do Polbo.

O prazo para inscribirse na primeira excursión estará aberto dende o luns, 8 de agosto, ao xoves, 11, no Centro de Convivencia Maruja Mallo, en horario de 09.00 a 13.30 horas.

Páxinas