A Policía Local usará unha web da Dirección Xeral de Tráfico para notificar as sancións que non se poidan facer chegar ós domicilios dos infractores
- Tema
- Protección da comunidade
As notificacións no Taboleiro Edictal de Sancións de Tráfico substitúe á publicación no Boletín Oficial da Provincia e permite ós cidadáns coñecer en tempo real se teñen algunha sanción pendente
O Concello de Lugo incorpórase ó sistema TESTRA (Tablón Edictal de Sanciones de Tráfico) da Dirección Xeral de Tráfico e comezará a publicar a través da Internet as multas de tráfico que non se poidan comunicar nos domicilios dos interesados.
Co uso desta ferramenta informática da Dirección Xeral de Tráfico, a Policía Local de Lugo deixa de publicar no Boletín Oficial da Provincia as sancións de tráfico que non puideron ser notificadas.
A característica máis novidosa e eficaz deste sistema é a centralización desta información, que agora permitirá ter coñecemento, en tempo real, de todas as notificacións dos procedementos sancionadores que teña un condutor, calquera que sexa o lugar e a Administración que o sancionou.
O TESTRA é un servizo gratuíto ó que se pode acceder desde calquera ordenador con conexión a Internet e está aloxado na páxina web da DXT.