O popular grupo CantaJuegos ofrece mañá na cidade o seu espectáculo infantil
No Auditorio Municipal haberá unha dobre sesión ás 16:30 e ás 19:00 horas e o grupo tamén visitará o HULA para animar a todos os nenos e nenas ingresados
- Tema
- Infancia,
- Cultura e Turismo,
- Programación cultural
O popular grupo CantaJuegos estará de novo mañá sábado na cidade de Lugo, onde presentará o seu espectáculo infantil Diez no Auditorio Municipal Gustavo Freire, que terá lugar en dúas sesións, ás 16:30 e ás 19:00 horas. Ademais, de 10:00 a 11:00 horas, o grupo visitará o HULA para animar a todos os nenos e nenas ingresados.
Durante a actuación, coa que colabora o Concello, realizarán unha viaxe a través dos dez anos de traxectoria ininterrompida dos CantaJuegos, revivindo os éxitos das súas cancións, historias e personaxes que converteron ao grupo EnCanto no favorito dos nenos e as súas familias.
Os famosos Coco, Pepe, Buby e o pallaso Tallarín, así como os seus novos amigos Pato Contreras, Khon Gorila e moitas máis personaxes, representarán xunto aos CantaJuegos as súas máis coñecidas cancións.