O polideportivo municipal Daniel Cordido Castro renovado e adaptado a máis deportes, grazas a Concello e Deputación
Máis de 250 persoas practican hockey, patinaxe e patinaxe artístico nestas instalacións, grazas á inversión de 75.000 euros aportados polas dúas institucións
- Tema
- Deportes,
- Instalacións deportivas
O Concelleiro de Deportes e Medio Rural, Miguel Fernández, visitou o polideportivo municipal Daniel Cordido Castro, situado no barrio da Piringalla. Estas instalacións foron recentemente renovadas e adaptadas á práctica de deportes como o hockey, a patinaxe e a patinaxe artística. Nesta visita tamén asistiu o Concelleiro de Educación e Infraestruturas Urbanas, Manuel Núñez.
As actuacións que se levaron a cabo neste polideportivo consistiron na instalación dunha nova valla perimetral homologada pola Federación Internacional de Hockey, que permite mellorar as condicións da práctica destes deportes. Deste xeito, dende o Concello estase a fomentar unha maior implantación de novas modalidade deportivas e hábitos de vida saudables para a poboación.
Miguel Fernández destacou que “na actualidade máis de 250 persoas están a practicar algún destes deportes nestas instalacións, grazas á inversión de 75.000 euros aportados polo Concello e a Deputación, que ademais permitiranos traer á nosa cidade importantes eventos relacionados con estas modalidades deportivas”. Para iso xa se procedeu fai algún tempo a ampliar a zona dos vestiarios e a dotar á pista dun pavimento específico.
Audio
- Miguel Fernández, sobre a renovación do polideportivo municipal Daniel Cordido Castro |Descargar mp3 [1]