O Concello de Lugo organizou para o mes de maio un curso de formación ocupacional en madeira dirixido a persoas desempregadas ou que desexen mellorar a súa situación laboral e que residan na zona Urban.

Ofértaranse un total de 10 prazas para as que terán preferencia aqueles colectivos en risco de exclusión social e mulleres.

Os interesados en participar neste curso, que terá unha duración de 410 horas, poderán realizar a súa prescrición ata o 5 de marzo na Oficina do Plan Urban [1] (Casa do Concello, Praza Maior nº 1, teléfono: 982 297 390) ou a través do correo electrónico urban@concellodelugo.org [2].

Esta actuación está incluída na iniciativa urbana Proxecto Urban que está a desenvolver o Concello de Lugo e que conta co 70% de cofinanciamento da Unión Europea a través do Fondo Europeo de Desenvolvemento Rexional .