O Concello de Lugo mantén o seu apoio ás asociacións que traballan no eido dos servizos sociais
- Tema
- Igualdade
A Concelleira de Benestar Social e Igualdade, Ana González Abelleira, anunciou hoxe que o Concello de Lugo segue a manter as subvencións para entidades sen ánimo de lucro que traballan no eido dos servizos sociais.
A Concelleira de Benestar Social informou de que “este ano volvemos adicar 28.000 euros a estas axudas destinadas a todas as asociacións que leven a cabo traballos a prol de colectivos en desvantaxe social”.
O prazo abrirase previsiblemente a semana que vén, tan pronto se publique a convocatoria o Diario Oficial de Galicia, e prolongarase durante un mes.
O ano pasado foron 9 as entidades que recibiron estas axudas do Concello, das 13 que presentaron solicitude, e o importe das achegas oscilou entre 3.000 e 5.000 euros, en función das características dos proxectos subvencionados.