O Cemiterio municipal de San Froilán forma parte do proxecto turístico e cultural Cemiterios Vivos
Esta rede de cemiterios dispón do portal web www.cementeriosvivos.es [1] para potenciar o atractivo turístico e cultural dos camposantos a nivel nacional e internacional
- Tema
- Alcaldía,
- Cultura e Turismo,
- Promoción turística,
- Cemiterio
O Cemiterio municipal de San Froilán forma parte do proxecto turístico e cultural Cemiterios Vivos, unha iniciativa creada pola Asociación Nacional de Funerarias e Cemiterios Municipais, da que forma parte o camposanto lucense, que persegue visualizar os valores patrimoniais, culturais e turísticos que encerran os cemiterios españois.
Esta rede de cemiterios dispón do portal web www.cementeriosvivos.es [1] para que os camposantos asociados obteñan a maior visibilidade e sexan facilmente accesibles, potenciando o seu atractivo turístico e cultural a nivel nacional e internacional.
Tamén permite compartir as sinerxías que se obteñen con este proxecto, mediante a posta en común de experiencias e propostas con outros cemiterios e contar cun espazo no que difundir todas as actividades que desenvolven no cemiterio ao longo do ano.
Deste xeito, Lugo accede a todas as accións de difusión e promoción que realiza a Asociación Nacional de Funerarias e Cemiterios Municipais mediante Cemiterios Vivos.
Como parte deste proxecto, o Concello instalará dous carteis promocionais da campaña en diferentes dependencias municipais, como pode ser o propio recinto do cemiterio.
Promoción en FITUR
A Alcaldesa de Lugo e a Concelleira de Cultura, Turismo, Xuventude e Promoción da Lingua aproveitaron a súa visita á Feira Internacional de Turismo para achegarse ao stand de Cemiterios Vivos, onde Lugo tamén tivo presenza nesta feira co Cemiterio municipal de San Froilán.