Manuel Núñez participa no V International Day 2016 do Campus Terra de Lugo
- Tema
- Educación,
- Educación pública
O Concelleiro de Educación e Infraestruturas Urbanas, Manuel Núñez, participou este xoves na Facultade de Veterinaria no V International Day 2016 do Campus Terra de Lugo. Trátase dunha feira intercultural, onde os protagonistas foron os propios estudantes estranxeiros que cursan estudos na USC, posto que foron elas e eles mesmas os encargados de amosar as súas particularidades culturais e gastronómicas aos asistentes ao acto.
Manuel Núñez deu a benvida ao alumnado, agardando que a súa estancia na cidade lles sirva como unha experiencia única, ao tempo que os convidou a facer de embaixadores da nosa cidade nos seus países de procedencia.
Acompañado do Deputado de Turismo, Eduardo Vidal, o Decano da Facultade de Veterianaria, Germán Santamarina, a Vicedecana de Calidade e Relacións Exteriores, Patricia Fernández, e a Vicerreitora de Servizos Universitarios do Campus de Lugo, Carme Silva, o Concelleiro percorreu os stands representativos dos distintos países de orixe dos universitarios, onde puideron degustar productos das diferentes gastronomías e culturas.