Deportes anuncia que se abre o prazo de matricula para 15 Escolas Deportivas de distintas modalidades
O Concello de Lugo, colabora coa cesión gratuíta das instalación deportivas municipais para o seu desenvolvemento.
Haberá escolas de matrícula gratuíta e as mensualidades dependen de cada unha das modalidades deportivas.
- Tema
- Deportes,
- Escolas deportivas
O Goberno de Lara Méndez a través da Concellería de Deportes, dirixida por Mauricio Repetto anunciaba hoxe que a partires do 1 de Outubro, se abre o prazo de matrícula para a inscrición en 15 Escolas Deportivas con disciplinas diferentes. “O obxectivo persegue ofrecer actividades de calidade para o tempo de lecer dos nenos da cidade, así como contribuír á conciliación da vida familiar e laboral das familias e potenciar actividades de promoción da saúde” apuntaba o concelleiro.
O Concello de Lugo, colabora coa cesión gratuíta das instalación deportivas municipais para o seu desenvolvemento, nunha labor de promoción da actividade co obxecto de apoiar o deporte base na nosa cidade. Todos os interesados en practicar baloncesto, béisbol, boxeo, ciclismo, esgrima, loita, pentatlón, triatlón, piragüismo, rugby, taekwondo, tenis de mesa, ximnasia rítmica, hóckey e hóckey en liña poden matricularse nestas actividades, que se desenvolverán dende o vindeiro mes de outubro ata maio de 2022.
Haberá escolas de matrícula gratuíta, como as de rugby, taekwondo, tenis de mesa e escolas que requirirán un pago de matrícula, como por exemplo piragüismo. As mensualidades dependen de cada unha das modalidades deportivas. Estarán impartidas por profesionais dos clubes deportivos nun total de 7 instalacións: o polideportivo da piscina municipal de Frigsa, o polideportivo municipal da Casa do Deporte, o campo municipal Germán López Vila, polideportivo municipal de O Palomar, a piscina municipal de As Pedreiras, o pavillón municipal dos deportes e o polideportivo municipal Daniel Cordido. O Pazo de Feiras e Congresos así como o Pazo Provincial dos Deportes e diferentes colexios da cidade tamén acollerán algunhas destas actividades deportivas.
“Actividades que dan cabida o longo do ano a máis de dous mil nenos e nenas do concello de Lugo que gozan das distintas modalidades deportivas impartidas polos clubs da cidade nas nosas instalacións deportivas” destacaba o edil.
Todas e todos os participantes contarán cun seguro deportivo a cargo do club que imparte a actividade, ou as súas federacións a través da ficha federativa da especialidade, e deberán cumprir escrupulosamente cos aforos e os protocolos covid que rixen as federacións deportivas autonómicas de cada un das modalidades.
Audio
- O edil de Deportes, Mauricio Repetto, sobre as Escolas Deportivas | Descargar mp3 [1]
Máis info
- Escola Deportiva Hockey en Liña e Patinaxe 2021-2022 | Descargar pdf [2]
- [2]Escola Deportiva Esgrima 2021-2022 | Descargar pdf [3]
- Escola Deportiva Ciclismo 2021-2022 | Descargar pdf [4]
- Escola Deportiva Boxeo 2021-2022 | Descargar pdf [5]
- Escola Deportiva Beisbol 2021-2022| Descargar pdf [6]
- Escola Deportiva Baloncesto 2021-2022| Descargar pdf [7]
- Escola Deportiva Ximnasia Rítmica 2021-2022 | Descargar pdf [8]
- Escola Deportiva Triatlon 2021-2022| Descargar pdf [9]
- Escola Deportiva Tenis de Mesa 2021-2022| Descargar pdf [10]
- Escola Deportiva Taekwondo 2021-2022| Descargar pdf [11]
- Escola Deportiva Rugby 2021-2022| Descargar pdf [12]
- Escola Deportiva Piraguismo 2021-2022| Descargar pdf [13]
- Escola Deportiva Pentatlon e Triatlon 2021-2022| Descargar pdf [14]
- Escola Deportiva Loita 2021-2022 | Descargar pdf [15]