A área de Participación entrega pantallas de protección nos postos da Praza de Abastos e no Mercado Municipal
Cristina López agradeceu a colaboración do IES As Mercedes, que se encargou da elaboración das pantallas
Cristina López animou a realizar as compras nestes días no pequeno comercio, que continúa a dar servizo a toda a veciñanza
- Tema
- COVID-19,
- Protección da comunidade,
- Mercados
A concelleira de Participación e Servizos para a Veciñanza, Cristina López visitou o Mercado Municipal e a Praza de Abastos, onde entregou pantallas de protección ás praceiras e praceiros. Segundo informou Cristina López, “seguimos colaborando cos distintos postos da praza e do mercado para tratar de reducir ao máximo as posibilidades de contaxio”.
Cristina López agradeceu a implicación do IES As Mercedes na elaboración das máscaras. “Seguimos traballando para aumentar as medidas de seguridade nestes dous recintos públicos de Lugo”, afirmou a Edil de Participación.
“Queremos que as veciñas e veciños de Lugo se acheguen a estes dous recintos para colaborar en que o impacto da crise sanitaria sexa menor”, afirmou Cristina López, que animou ás veciñas e veciños de Lugo a facer as compras no pequeno comercio de alimentación que estes días permanece aberto e dando servizo a toda a veciñanza.
Audio
- A concelleira de Participación e Servizos para a Veciñanza, Cristina López, sobre as pantallas na Praza e o Mercado| Descargar mp3 [1]