A Alcaldesa escoita ao tecido veciñal para trasladarlle a Feijóo “as reivindicacións de toda a cidade”
Lara Méndez mantivo unha reunión de traballo cos presidentes da Federación de Veciños, Abre la Muralla, a asociación veciñal da Residencia, pais afectados polo peche da gardería do Sagrado Corazón e representantes veciñais do rural A rexedora entregará ao Presidente da Xunta un dossier, ao que incorporará as propostas que lle fixeron os veciños no encontro de hoxe, con 14 iniciativas e proxectos que deben “marcar a folla de ruta da Xunta en Lugo”
- Tema
- Alcaldía,
- Benestar social
A Alcaldesa de Lugo, Lara Méndez, reuniuse este venres con colectivos veciñais do municipio para escoitar as súas necesidades e demandas, e transmitirllas ao Presidente da Xunta, Alberto Núñez Feijoó, na entrevista que manterán o vindeiro luns en Santiago. “Estas non son só as reivindicacións dun Goberno, senón as de toda a cidade”, subliñou a rexedora, quen agradeceu a todos os representantes veciñais “a premura coa que atenderon a miña chamada, que responde á súa vez á chamada de Núñez Feijóo para ter unha reunión o luns”.
Na xuntanza estiveron o presidente da Federación de Asociacións de Veciños de Lugo, Jesús Vázquez, o presidente da Asociación Abre la Muralla, Vicente Quiroga; a presidenta da Asociación de Veciños e Comerciantes da Residencia, Cecilia Vázquez; afectados polo posible peche da gardería do Sagrado Corazón e representantes dos veciños do rural.
Lara Méndez explicoulles que entregará ao Presidente autonómico un dossier coas reivindicacións dos cidadáns de Lugo, “que non queremos seguir sendo de segunda. Non desexamos que haxa diferencias, nin entre os veciños do municipio, nin con respecto aos do resto de Galicia”, destacou.
En dito dossier, ao que o Concello incorporará agora as propostas que realizaron á Alcaldesa os colectivos durante a reunión de traballo desta mañá, figuran 14 iniciativas e proxectos, moitas delas pendentes dende hai anos, que deben “marcar a folla de ruta da Xunta en Lugo”. Trátase das seguintes cuestións: a dotación ao HULA de Hemodinámica 24 horas, Medicina Nuclear e Radioterapia; a implantación de servizos no barrio da Residencia; a creación de prazas públicas de residencias e centros de día para a terceira idade; prazas públicas de gardería: o mantemento da escola infantil do Sagrado Corazón; ampliación do saneamento na zona rural; a rehabilitación do Museo da Romanización e a súa conversión en Museo da Romanización; as obras do novo auditorio; a posta en valor do Camiño de Santiago ao seu paso por Lugo; a construción da Ronda Leste; a Alta Velocidade e a estación intermodal; a execución de todas actuacións do Plan Paradai; un plan de rehabilitación de vivendas e os traballos de instalación do ascensor da Muralla.
Audio
- Declaracións da Alcaldesa sobre os temas a tratar na súa entrevista co Presidente da Xunta | Descargar mp3 [1]