O edil de Infraestruturas Urbanas, Alexandre Penas, anunciou que na Xunta de Goberno de mañá aprobarase  a licitación da obra de humanización da praza do Sagrado Corazón. “Desde a área de Mobilidade e Infraestruturas poñemos en marcha esta obra  de humanización para dar continuidade ao traballo realizado tras a instalación do novo ascensor” detallou o concelleiro.

Esta obra xa fora anunciada pola área de Mobilidade e Infraestruturas urbanas para garantir as boas condicións dos servizos públicos e mellorar a calidade de vida e o benestar da veciñanza da contorna. O edil Alexandre Penas explicou os detalles, “mellorarase o firme da praza e a súa iluminación, o que converterá este lugar nun espazo máis  aberto e amábel coas persoas” subliñou o concelleiro “e comunicará a praza co ascensor recentemente inaugurado”

O proceso de licitación contará cun orzamento de 110.000€, nun prazo de execución de 3 meses. Para a área de Infraestruturas Urbanas, os barrios teñen que ter as atencións necesarias. Alexandre Penas indicou que “podemos facer moitas actuacións sen grandes gastos que melloren a calidade de vida das persoas”.

Audio

• O edil de Infraestruturas Urbanas, Alexandre Penas, sobre as obras en Sagrado Corazón | Descargar mp3