O Tenente de Alcalde, Rubén Arroxo, reuniuse durante o día de hoxe coa asociación de empresarios do barrio da Tinería (Itíneres) para escoitar as reclamacións e necesidades deste colectivo en materias de mobilidade e infraestruturas.

Arroxo anunciou o compromiso do goberno municipal na mellora do barrio, compromiso que comezará xa durante as festas do San Froilán, con varias actuacións durante as festas no barrio, e cunha intensa campaña de promoción que levará a cabo o concello durante o ano 2020 sobre o percorrido e o patrimonio do Camiño Primitivo.