Remata o precintado dos 63 parquímetros da ORA

A Policía Local coordinou e desenvolveu os traballos para anular as máquinas expendedoras de tíckets

Xoves, 30 de xullo de 2015
Fonte: 
Gabinete de Prensa
Parquímetro precintado

A Policía Local coordinou e levou a cabo a primeira hora deste xoves o precintado dos 63 parquímetros do servizo público de regulación de aparcamentos, a ORA, existentes na cidade, uns traballos que concluíron sobre as 11.30 horas. Deste xeito, queda anulada a actividade das máquinas expendedoras de tíckets, unha vez que a Xunta de Goberno aprobou onte a suspensión temporal do servizo ata que se elabore unha  ordenanza de estacionamentos actualizada e se adxudique o novo contrato, previsiblemente no primeiro trimestre do 2016.

Tarxeta Cidadá e de residentes

As persoas con Tarxeta Cidadá que teñen saldo no monedeiro de servizos para o pago da ORA, poden facer o traspaso ao monedeiro de transportes dende o mesmo caixeiro. As persoas que só usan o monedeiro de servizos, poderán recuperar o saldo, para o que deberán dar de baixa a tarxeta. O Concello está estudando o sistema para realizar a devolución do importe ingresado, igual que no caso das persoas que teñen tarxeta de residente. O Servizo de Información Municipal 010 atenderá calquera dúbida dos cidadáns ao respecto.

Noticias relacionadas