Uns 25 participantes nos obradoiros de pintura organizados polo Concello de Lugo no Local Social Díaz Castro participan ao longo do día de hoxe, mércores 3 de xuño, nunha xornada ao aire libre.

Nas ribeiras do río Miño ( entre a fábrica da luz e a área recreativa dos Robles) os participantes nos talleres pasarán todo o día. Desfrutarán dun xantar ao aire libre e practicarán as súas técnicas de pintura nun espazo único.

Con esta xornada de convivencia ao carón do río ponse fin aos obradoiros que estiveron a desenvolverse dende mes de outubro do pasado ano no local do Centro Social de Lamas de Prado.