O Concello manterá a medida dende as 10:00 horas de mañá sábado ante a alerta amarela prevista pola AEMET
Venres, 18 de novembro de 2016
Fonte:
Gabinete de Prensa
O Concello de Lugo informa de que a partir das 10:00 horas de mañá sábado, 19 de novembro, permanecerán pechados os parques públicos da Milagrosa e Rosalía de Castro, como medida de prevención para garantir a seguridade cidadá ante a alerta amarela prevista pola Axencia Estatal de Metereoloxía (AEMET), debido a ventos con refachos de ata 80 Kms/h na zona centro de Lugo. Procederase á apertura de ditos parques o domingo ou luns, en canto o determinen os servizos de emerxencia municipais.