O parque de bombeiros de Lugo atendeu un total de 226 incidencias no primeiro semestre do 2015, das cales máis do 40% do total foron incendios. En concreto, durante os meses de xaneiro e xuño, os profesionais do complexo lucense actuaron en 93 incendios en vivendas, alpendres ou vehículos, e en 8 salvamentos e rescates. O resto de actuacións obedecen a outras casuísticas como, por exemplo, a retirada de materiais e obxectos da vía pública, fugas de auga, ou apertura de portas. O servizo de bombeiros tamén rexistrou neste período 55 falsas alarmas.
En canto á distribución temporal, xuño foi o mes no que se rexistrou o maior número de incidencias atendidas polos bombeiros, un total de 54, seguido de xaneiro con 43, e maio, con 37. Pola contra, o mes de menor actividade foi febreiro, con 24 intervencións.