A Casa da Xuventude acolle durante o mes de xuño un curso de adestramento básico e socialización canina para todas aquelas persoas que teñen como mascota un can e queren ensinarlle pautas de comportamento.

O prazo para inscribirse remata este venres 30 de maio na Casa da Xuventude e a inscrición é gratuita. O curso será todos os domingos do mes de xuño rematando o día 29 de xuño nos exteriores da Casa da Xuventude en horario de 11.30 a 13.30 e de 17 a 18 horas. Está dirixido para todos os públicos.