O prazo de inscrición para novos alumnos comezará o 1 de xuño e rematará o 15 de xuño
A Escola Municipal de Música do Concello de Lugo abre este próximo luns 11 o prazo para inscribirse para o próximo curso 2015/2016 para os alumnos que xa están cursando este ano. O prazo para estes alumnos que queiran continuar cos seus estudos o próximo curso remata o 25 de maio.
Para o novo alumnado o prazo de inscrición comezará máis tarde, o 1 de xuño, e rematará o 15 de xuño. En todo caso, a elección de horarios farase por orde de matrícula. Durante este curso o número de alumnos foi de 791 entre nenos e nenas e adultos e agárdase que para o próximo curso a cifra sexa similar e conta cun orzamento aproximado de máis de 700.000 euros.
Entre as materias que se imparten, tanto a nenos como a adultos, figuran ensinanza da linguaxe musical e instrumentos sobre todo de vento e percusión (frauta, clarinete, saxofón, fagot, gaita, percusión tradicional, entre outros).
Os horarios de matrícula serán os luns de 09.30 a 13.30 e de 16:30 a 21.00, os martes de 17.00 a 21.00 hora, os mércores e xoves de 16.00 a 21.00 horas, e venres de 16.00 a 19.00 horas na secretaría da Escola de Música situada na primeira planta do Centro de Convivencia Uxío Novoneyra.
As prazas que se ofrecen son nas seguintes especialidades:
BLOQUE A-B INSTRUMENTOS
- Frauta traveseira
- Clarinete
- Saxofón
- Fagot
- Trompa
- Trompeta
- Trombón
- Tuba-bombardino
- Percusión
- Gaita
- Pito pastoril galego
BLOQUE C LINGUAXE
- Música e movemento 3-4
- Música e movemento 5-6
- Formación básica
- Linguaxe musical 1
- Linguaxe musical 2
- Linguaxe musical 3
- Linguaxe musical 4
- Linguaxe musical 5
- Prepa. Acceso conservatorio elem
- Prepa. Acceso conservatorio g.m.
- Formación de adultos 1
- Formación de adultos 2
- Formación de adultos 3
- Formación de adultos 4
- Formación de adultos 5
- Apoio musical
- Historia da música
- Informática
- Iniciación a gravación de son
- Harmonía clásica
- Harmonía jazz
- Improvisación
- Análise
- Formas musicais
BLOQUE C AGRUPACIÓNS PRAZAS
- Técnicas de respiración
- Big band
- Combos
- Grupo de metais
- Grupo de clarinetes
- Grupo de clarinetes infantil
- Grupo de saxofóns
- Grupo de frautas
- Banda da escola
- Círculo de tambores adultos
- Circulo de tambores infantil
- Grupo de pandeiretas
- Grupo de percusión tradicional
- Coro moderno
- Grupo tradicional
- Charanga