O Concelleiro de Deportes e Medio Rural, Miguel Fernández, achegouse ata Santa Comba para comprobar as tarefas de remodelación que o Concello acometeu no palco da música desta parroquia, para as que o Goberno de Lugo realizou unha inversión de máis de 6.000 euros.

Tal e como indicou o edil, os traballos, a petición tanto da comisión de festas como dos veciños e veciñas, consistiron no lavado a presión das paredes, na reparación de grietas e na aplicación de dúas capas de pintura. Tamén se substituíu a cuberta, con pizarra colocada sobre listóns de madeira de castaño

"Esta instalación, totalmente remodelada, poderá ser usada inmediatamente pola comisión e a veciñanza, mesmo esta fin de semana con ocasión das festas parroquiais", avanzou Fernández, que fixo fincapé en que o "Goberno acomete estas actuacións dentro do noso compromiso por mellorar as dotacións do rural". 

Audio

• Miguel Fernández, sobre Santa Comba | Descargar mp3