O luns día 24 comezan obras dun tramo de Fontiñas por mor da obra civil necesaria para a canalización de gas

Xoves, 20 de outubro de 2011
Fonte: 
Gabinete de Prensa

A Concellería de Infraestruturas e Axenda 21 puxo en marcha o plan de coordinación coa Policía Local e a empresa adxudicataria para que as molestias á cidadanía sexan as menos posibles.

Ocuparase unha parte do carril de circulación da dereita máis próximo á beirarrúa, dirección Ronda das Fontiñas, intentado que conviva a circulación en ambos sentidos. Na segunda fase da obra o tramo que provén da Ronda das Fontiñas cara a Praza de Conde Fontao (a da Estación de Tren) sufrirá un pequeno desvío.

A información sobre este e outras incidencias está dispoñible na web da Concellería de Infraestruturas e Axenda 21.

O inicio das obras está previsto para o luns día 24 de outubro, cunha duración estimada das mesmas de 20 días laborais.

Noticias relacionadas