O Concelleiro de Educación e Infraestruturas Urbanas, Manuel Núñez, deu a coñecer que o Goberno está a realizar labores de poda en árbores da contorna do colexio público de Casás. As tarefas, cun orzamento duns 4.000 euros, levaranse a cabo ao longo desta semana.

Tal e como explicou Núñez, o Concello acomete estes traballos en resposta a unha petición do Consello Escolar deste centro educativo. Concretamente, trátase da tala de 12 cipreses que se atopan no lateral do recinto escolar limitando cun parque, dada a perigosidade de caer ante un día de temporal, o que podería supoñer perigo para os nenos e nenas.

Coa realización destas actuacións, o Goberno mantén de novo a súa prioridade de investir nas persoas, neste caso nos preto de 450 alumnos e alumnas do centro, garantíndolle ademais un maior nivel de seguridade á comunidade escolar de Casás.

Audio

• O concelleiro Manuel Núñez sobre as labores de poda na contorna do colexio de Casás | Descargar mp3