O Concelleiro de Infraestruturas Urbanas, Manuel Núñez, supervisou a execución do proxecto de acondicionamento da rúa Fonmiñá, no barrio do Sagrado Corazón, unhas obras que, conxuntamente, coas da rúa Piñeiral teñen un orzamento duns 128.600 euros, achegados polo Goberno do Concello e da Deputación, a través do Plan Único. As actuacións, que rematarán, previsiblemente, a vindeira semana, consisten na reposición do firme e a substitución das redes de abastecemento e saneamento.

Concretamente, trátase de substituír a tubería de abastecemento existente, de fibrocemento, po outra de fundición dúctil. Tamén se plantexa a renovación da rede de saneamento, que quedará configurada por un colector executado en tubería lisa. A rede inclúe todos os elementos complementarios como pozos de formigón, sumidoiros e acometidas domiciliarias. Tamén se executa a obra para o soterramento da instalación de alumeado pública. As tarefas complétanse coa execución de beirarrúas a ambos lados e a pavimentación da rúa, co pintado da sinalización horizontal e a colocación de sinalización vertical complementaria á actual.

Deste xeito, o Concello continúa coa renovación de rúas de distintos puntos da cidade, o que contribúe, por un lado, a mellorar as infraestruturas viarias e por outro, a calidade de vida dos veciños e veciñas. 

Audio

• Manuel Núñez, sobre a rúa Fonmiñá | Descargar mp3