O globo aerostático da campaña de Nadal do Concello xa ofrece viaxes para as persoas que merquen no comercio local

Os interesados deberán rexistrar na web www.lugonadal.com os seus tíckets de compra nos establecementos da cidade e entrarán no sorteo dun voo.
Os grupos serán reducidos, máximo 3 nenos/as ou 2 adultos, e os voos faranse sempre mantendo todas as medidas de seguridade.

Sábado, 12 de decembro de 2020
Fonte: 
Gabinete de Prensa
O globo aerostático da campaña de Nadal do Concello xa ofrece viaxes para as persoas que merquen no comercio local

A alcaldesa de Lugo, Lara Méndez, acompañada do edil de Desenvolvemento Local e Emprego, Mauricio Repetto, e o presidente da Federación Galega de Comercio, José María Seijas, visitou este sábado o globo aerostático instalado na explanada do Pavillón Municipal de Deportes, situado nas costas do parque, con motivo da campaña de Nadal do Concello. Trátase dun globo cautivo, é dicir, sostido por cables e unido ao chan, elevándose ata unha determinada altura.

Dende este sábado e ata o vindeiro 6 de xaneiro ofrecerá viaxes para todas aquelas persoas que merquen nos establecementos de proximidade de Lugo, ofrecendo a posibilidade de desfrutar dunhas espectaculares vistas aéreas da cidade. Para participar, os interesados deberán rexistrar na web www.lugonadal.com os seus tíckets de compra nos comercios locais e directamente entrarán no sorteo de viaxes no globo.

Os gañadores serán notificados por vía telefónica e asignaráselles un día e unha hora específicos. O horario de voo será entre as 17:30 e 19:30 horas entre semana, e entre as 17:30 e 20:30 horas as fins de semana. A duración de cada viaxe será duns 3 minutos. Os grupos serán reducidos, máximo 3 nenos/as ou 2 adultos, da mesma unidade familiar ou achegados, máis a persoa que pilota o globo, e os voos faranse sempre mantendo todas as medidas de seguridade.

A campaña de Nadal do Concello de Lugo inclúe diferentes iniciativas e actividades dirixidas a públicos de todas as idades e integradas baixo a marca Lugo é Capital, co obxectivo de dinamizar as rúas e establecementos da cidade, ao tempo que se pon en valor o pequeno comercio de Lugo.

Multimedia

  • O globo aerostático da campaña de Nadal do Concello xa ofrece viaxes para as persoas que merquen no comercio local
  • O globo aerostático da campaña de Nadal do Concello xa ofrece viaxes para as persoas que merquen no comercio local

Noticias relacionadas