A Alcaldesa de Lugo, Lara Méndez, e o Concelleiro de Deportes e Medio Rural, Miguel Fernández, saudaron esta mañá aos participantes do Día da Bicicleta, no que tomaron parte uns 1.300 ciclistas. O Concello colaborou un ano máis con esta iniciativa que busca concienciar da importancia do uso de medios de transporte respectuosos co medio ambiente, a fin de garantir unha mobilidade sostible. O recorrido en bici, que comezou ao redor das 11:30 horas na Praza Maior, discorreu por Bispo Aguirre, Ronda da Muralla, rúa Vilalba, Ramón Ferreiro, Anxo López Perez, e de novo Ronda da Muralla, cara a Avenida da Coruña, para rematar no centro comercial As Termas.