O Concello pagou aos provedores no mes de xullo nunha media de 8 días, 22 por debaixo do límite legal

8 días. Este é o Período Medio de Pago (PMP) no que o Concello de Lugo pagou aos provedores no mes de xullo, isto é, 22 por debaixo do límite legal, segundo informou este venres a Concelleira de Economía, Emprego e Desenvolvemento Económico, Ana Prieto. O PMP é un dato público e oficial que a entidade local debe render todos os meses ao Ministerio de Facenda, de feito, publícase na súa páxina web.

Venres, 10 de agosto de 2018
Fonte: 
Gabinete de Prensa

Deste xeito, “non só cumprimos, senón que levamos por debaixo do límite legal catro meses consecutivos, pois en abril o PMP foi de 16 días, en maio de 27, en xuño de 17 e en xullo de 8”, subliñou Prieto, quen destacou que a “progresión é moi positiva, a pesar dos malos presaxios da oposición, que, en vez de contribuír a propoñer enriba da mesa posibles solucións a un problema que efectivamente tivemos, durante todo este tempo non fixeron máis que atacar ao Goberno con este tema, mesmo vetando, como foi o caso do Partido Popular, ata catro veces o pago a provedores en Pleno. Sempre dixemos que iamos a mellorar, e estámolo facendo”. “O eficaz modelo de xestión deste Goberno contrasta, como poden comprobar os lucenses, co de outros como o que leva a cabo a concelleira popular Ana López Pombo ao fronte do Colexio de Veterinarios, no que se alzan voces de moitos integrantes pedindo a súa dimisión, aínda que se resiste a irse”, asegurou a edil de Economía.

“Aínda que temos que mellorar na fase que vai dende o rexistro da factura á súa conformidade polos servizos técnicos e os políticos, tamén é certo que gañamos eficacia no circuíto administrativo, e por esta liña avanzaremos, cun traballo serio, rigoroso e responsable”, subliñou a Concelleira.

Audio

  • Ana Prieto sobre o pago a provedores no mes de xullo | Descargar mp3

Noticias relacionad