O Concello mantén por 5º mes consecutivo o período de pago aos provedores por debaixo do límite legal

Xoves, 27 de setembro de 2018
Fonte: 
Gabinete de Prensa

O Concello de Lugo mantén por 5º mes consecutivo o Período Medio de Pago (PMP) aos provedores por debaixo do límite legal, ao render en agosto un prazo de 10 días. Así o anunciou o Goberno, a través da Concelleira de Economía, Ana Prieto, no pleno ordinario deste martes. O PMP é un dato público e oficial que a entidade local debe render todos os meses ao Ministerio de Facenda, de feito, publícase na súa páxina web, www.lugo.gal

En abril o PMP foi de 16 días, en maio de 27, en xuño de 17, en xullo de 8 e en agosto de 10. Prieto destacou que a “progresión é moi positiva, a pesar dos malos presaxios da oposición, que, en vez de contribuír a propoñer enriba da mesa posibles solucións a un problema que efectivamente tivemos, durante todo este tempo non fixeron máis que atacar ao Goberno con este tema, mesmo vetando, como foi o caso do Partido Popular, ata catro veces o pago a provedores en Pleno. Sempre dixemos que iamos a mellorar, e estámolo facendo”. Como puxo de manifesto a Concelleira, o bo dato do Concello de Lugo, froito fun eficaz modelo de xestión, contrasta co de outras grandes cidades, como Ourense, que está nos 100 días, Santiago, nos 65 días, ou A Coruña, en 54 días.

Audio

  • Ana Prieto, sobre o período de pago aos provedores | Descargar mp3

Noticias relacionadas