O Concello de Lugo pídelle á Xunta "a mesma implicación co Novo Hospital que a do Goberno Local e o compromiso firme de que abrirá na data prevista"

Xoves, 06 de agosto de 2009
Fonte: 
Gabinete de Prensa

* Solicítalle ao Executivo galego que axilice os prazos para cumprir co compromiso adquirido polo anterior Goberno
* O Concello de Lugo realiza un investimento de preto de 3,5 millóns de euros nos accesos á infraestrutura
* Destaca que as actuacións a realizar polo Concello marchan a bo ritmo e estarán rematadas en prazo

A Concelleira de Economía e Emprego e Alcaldesa en funcións, Sonia Méndez, pediulle hoxe ao Goberno galego “a mesma implicación que a do Concello de Lugo co Novo Hospital e o compromiso firme de que abrirá na data prevista”. Así o salientou esta mañá logo dunha visita ás obras que está executando o Concello de Lugo de acondicionamento dos viais perimetrais do Novo Hospital e dos accesos de comunicación da ronda Este coa nova urbanización.

A Concelleira de Economía e Emprego, que estivo acompañada na visita pola Delegada de Urbanismo do Concello, María Novo, deu conta da “gran implicación” do Goberno Local coa obra, “unha das dotacións máis importantes que vai ter Lugo nos próximos anos”. Neste sentido, solicitoulle á Xunta o mesmo compromiso co Novo Hospital que o adquirido polo Concello de Lugo, polo que lle pediu ao Goberno de Núñez Feijóo que “axilice as obras e cumpra cos prazos adquiridos polo anterior Goberno”.

Tal e como explicou Sonia Méndez, as obras acometidas polo Concello de Lugo “marchan a bo ritmo” e estarán rematadas no prazo previsto, no último trimestre de 2009.

Así mesmo, Sonia Méndez reiterou a petición feita polo Goberno Local á Xunta de Galicia na que se insta a por en marcha un plan semellante ao Plan E do Executivo Estatal que dote aos concellos de financiación para acometer obras.

Plan de choque
A Concelleira de Economía e Emprego convida aos membros do PPdeG con representación no Concello a que expliquen en qué se concreta o plan de choque da Xunta de Galicia para Lugo. “Un plan no que o Concello de Lugo e os seus cidadáns non aparecen mencionados”, incidiu.

Visita aos accesos do Novo Hospital

Sonia Méndez explicou que o Concello está acometer obras de acceso ao Novo Hospital por un valor