O Concelleiro de Deportes e Turismo, José Manuel Díaz Grandío, e o presidente do Club Fuvial, Eduardo Núñez Torrón, e José Antonio Fernández, director técnico da escola de piragüismo do club presentaron os cursos de piragüismo organizados polo Concello de Lugo e a entidade lucense que permitirá aos rapaces e rapazas de a partir de 10 anos iniciarse neste deporte tan arraigado na cidade.

O Concelleiro explicou que esta actividade permitirá aos participantes disfrutar dunha contorna natural do Miño e, ademais, facer exercicio. Díaz Grandío lembrou que destes cursos saíron algúns dos grandes piragüistas cos que conta a cidade e que acadaron grandes éxitos como Campionatos Nacionais.

Os interesados en participar deberán saber nadar como mínimo 50 metros, e poden recoller a solicitude de inscrición nas oficinas da Concellería de Deportes ou no Club Fluvial. A Cuota do curso será de 18 euros para os menores de 18 anos e de 24 euros para os maiores de 18.

Os cursos terán lugar de luns a venres nos meses de xullo e agosto en horario de mañá de 12.00 a 13.00 horas e de tarde en dous turnos: de 17:00 a 18.00 horas e de 18:00 a 19:00, ademais, durante a primeira quincena de setembro haberá un turno de 17:00 a 18:00 horas.

Para obter máis información pódese chamar ao teléfono da Concellería de Deportes: 982 206 340 ou ao teléfono do Club Fluvial 982 221 167.

www.clubfluvial.org