O Concello de Lugo, a través da Concellería de Desenvolvemento Sostible, colaborou cunha nova edición do Proxecto Ríos, unha actividade de voluntariado ambiental e concienciación social sobre o coidado dos cauces galegos impulsada por ADEGA, que tivo lugar este domingo no Rato coa participación de 16 persoas de todas as idades. Grazas a esta elevada concorrencia, púidose actuar simultaneamente en dúas zonas distintas, unha na cabeceira do río, e carón do polígono industrial do Ceao, e outra no barrio de Castelo de Abaixo, xunto á vía do tren. Durante a xornada recolléronse 850kgs de refugallos.