O Concello cambia o pavimento da beirarrúa en Manuel Murguía, o que suporá unha mellora substancial da accesibilidade e mobilidade

Manuel Núñez supervisou estas tarefas, que contan cun investimento duns 8.500 euros, e que responden a peticións veciñais

Xoves, 03 de novembro de 2016
Fonte: 
Gabinete de Prensa
O Concello cambia o pavimento da beirarrúa en Manuel Murguía, o que suporá unha mellora substancial da accesibilidade e mobilidade

O Concelleiro de Educación e Infraestruturas Urbanas, Manuel Núñez, supervisou este xoves as obras que o Concello está a acometer na beirarrúa da rúa Manuel Murguía, entre as interseccións coa rúa río Sil e rúa Salmón. Con estas obras, que contan cun orzamento de 8.500 euros, mellórase substancialmente a accesibilidade e a mobilidade nesta vía.

Tal e como explicou o edil, estas tarefas acométense en resposta ás peticións veciñais, dado que a beirarrúa presenta unha pendente moi elevada, o que, unido ao desgaste das baldosas, podía producir algún percance aos veciños e veciñas.  

Os traballos, que arrincaron onte, consisten no cambio das baldosas existentes por outras novas, con maior granallado, para favorcer a adherencia. Asemade, nos pasos de peóns da intersección da Rúa Salmón coa rúa Manuel Murguía disporanse baldosas de botóns, de cor vermella, para adaptalos á normativa de accesibilidade.

Así mesmo, instalarase un pasamáns de aceiro galvanizado de cor gris, ao longo duns 20 metros aproximadamente, a unha altura superior de 95 centímetros.

Audio

  • Manuel Núñez, sobre as obras da rúa Manuel Murgía | Descargar MP3

Noticias relacionadas