A Concelleira de Cultura, Turismo, Xuventude e Promoción da Lingua, Carmen Basadre, unha representante da comisión directiva da Asociación Cultural Mural Folk, María Teresa Huguette, e a presidenta da asociación Rioplatenses, Ana Bereciartua, presentaron este luns no Salón de Plenos o II Festival Internacional Mural Fok, que terá lugar o vindeiro venres, 15 de xullo, ás 20:30 horas no Auditorio Municipal Gustavo Freire. O Concello colabora con este evento, que a edil definiu como “multicultural e multicor, en onde se poderán gozar con distintos ritmos”, dirixido a todos os públicos e a todas as idades.

Durante a presentación, Basadre destacou que este festival, é máis que un certame de música folk, senón que é unha mostra de diversidade cultural e solidariedade, que se reflexa nunha parte da doazón, que irá ao Banco de Alimentos. A Concelleira tamén aproveitou para animar aos lugueses e visitantes a asistir a este espectáculo ao tempo que desexou que esta iniciativa perdure no tempo.

Pola súa banda, dende ambas asociacións agradeceron a colaboración do Concello para poder continuar con este festival que ten como obxectivo “fomentar o diálogo intercultural a través da música e da danza”.

Folk e solidariedade
Todos os interesados en asistir a este festival no que actuarán os grupos Cántigas e Frores e Sol Argentino e o cantautor Walter Cesar, de Uruguay, poden facelo por 5 euros ese mesmo día no propio auditorio. Os colectivos que queiran comprar as entradas de xeito anticipado deberán poñerse en contacto con ambas asociacións por un prezo de 4 euros. O 20% da recaudación será destinado á compra de alimentos para o Banco de Alimentos.

Audio

• Carmen Basadre, Concelleira de Cultura, Turismo, Xuventude e Promoción da Lingua | Descargar mp3