O Alcalde de Lugo, José López Orozco, e a Concelleira de Cultura, Turismo, Xuventude e Promoción da Lingua, Carmen Basadre, presidiron a recepción ao músico Indalecio Fernández Groba, que durante 12 anos foi director da Banda Municipal de Música de Lugo.
López Orozco destacou que “ é unha persoa moi querida na nosa cidade e en todos os lugares onde estivo porque deixou unha impronta co seu traballo, el é un modelo a imitar que levou a banda de Lugo por todo Galicia”. O Alcalde tamén fixo referencia e deu as grazas ao músico percusionista Jesús Sal que hoxe se xubila despois de 51 anos dedicados á Banda Municipal de Música de Lugo.
Ao finalizar o acto, comezou o concerto da Banda Municipal con motivo do San Froilán, na que o Director invitado, Indalecio Fernández Groba, dirixiu varias pezas e estreou unha peza adicada a cidade de Lugo.