Medio Ambiente efectúa hoxe unha limpeza especial e extra nas instalacións da Praza de Abastos e no Mercado municipal

O edil Álvaro Santos sostivo que, ademais da limpeza diaria, na que se extreman xa as precaucións, nesta utilizarase maquinaria especial de desinfección

Os traballos realizaranse con produtos non nocivos para a cidadanía e incidirase nos espazos comúns e naquelas áreas con maior contacto coas mans

O Concello lembra á veciñanza que actúe con responsabilidade, adoptando as medidas de hixiene e atendendo ás indicacións das autoridades sanitarias

Sábado, 28 de marzo de 2020
Fonte: 
Gabinete de Prensa
Medio Ambiente efectúa hoxe unha limpeza especial e extra nas instalacións da Praza de Abastos e no Mercado municipal

O Goberno de Lara Méndez, a través da área de Medio Ambiente que dirixe Álvaro Santos, levará a cabo unha limpeza profunda este mediodía, en canto finalice o horario de compra, tanto na Praza de Abastos como no Mercado municipal.

A maiores da limpeza diaria que xa se efectúa nestes dous inmobles coma nos diferentes edificios municipais do Concello, seguindo o protocolo establecido semanas atrás, esta será de carácter extraordinario e utilizaranse produtos non nocivos para a saúde e maquinaria especial de desinfección.

Aínda que esta nova medida poder ter un efecto de alarma no cidadán, Álvaro Santos quere trasladar absoluta tranquilidade xa que “non hai ningunha situación que nos obrigue a realizar a mesma pero queremos levala a cabo por prevención e seguridade para os veciños e veciñas de Lugo que traballan nestes espazos ou ben fan a súa compra diaria”.

“A limpeza será en profundidade, tendo especial coidado nos espazos e ferramentas en maior contacto coas mans, tanto dos traballadores como dos usuarios, como poden ser ascensores, baños, pomos ou varandas”, apuntou o edil, anunciando tamén que o persoal de limpeza ten toda a formación e información necesaria para levala a cabo e utilizará o equipo de protección individual adecuado.calma e actuar con responsabilidade, adoptando as medidas de hixiene e atendendo ás indicacións das autoridades sanitarias.

Dende o Concello de Lugo recordan que independentemente das medidas de limpeza excepcionais levadas a cabo nas diferentes dependencias municipais, convén actuar con responsabilidade, adoptando as medidas de hixiene e atendendo ás indicacións das autoridades sanitarias.

M