Medio Ambiente avanza na renovación do abastecemento da Cheda co que se porá fin ás avarías que sofre esta zona

A alcaldesa e o edil Miguel Fernández supervisaron o avance dos traballos que teñen un custo de 248.661 € e afectarán a un total de 96 acometidas en 7 rúas do barrio.

A actuación enmárcase nun plan municipal, dotado con 1’2 millóns de euros, para erradicar a presenza do fibrocemento nas canalizacións da cidade.

Venres, 18 de xuño de 2021
Fonte: 
Gabinete de Prensa
Medio Ambiente avanza na renovación do abastecemento da Cheda co que se porá fin ás avarías que sofre esta zona

A alcaldesa de Lugo, Lara Méndez, comprobou o ritmo ao que progresan os traballos de renovación da rede de abastecemento da Cheda. Unha intervención coa que, dende a área de Medio Ambiente, se pretende eliminar o fibrocemento que segue presente nas antigas canalizacións do barrio e substituílas por outras de fundición, moito máis resistentes, duradeiras e menos contaminantes.

“Avanzamos así no plan municipal que puxemos en marcha este ano para erradicar a presenza desta substancia na traída da auga, ao que destinamos 1’2 millóns de euros co obxectivo de acadar un servizo máis eficaz, no que se produzan menos incidencias e, polo tanto, menos molestias á veciñanza e que, á vez, sexa tamén máis sostible, en consonancia coa transformación que estamos levando a cabo no municipio”, sinalou a rexedora.

Méndez, que acudiu acompañada do concelleiro Miguel Fernández, supervisou o ritmo que levan as tarefas que afectan a un total de 96 acometidas das rúas Río Landro, Eume, Pousadela, Masma, Sar, Pambre e Azúmara.

O tentente de alcaldesa sinalou que a actuación, na que o Concello investiu 248.461 euros, “súmase ás xa desenvolvidas ou en execución noutros puntos da capital como Aviación Española, e Rei don García, na marxe dereita da Avenida Marqués de Ombreiro así como nas rúas Armórica, Escultor Asorey ademais de na rúas Bataneira e F