A edil declarou que “o concello non aceptará unha instalación con deficiencias”
“As agrupacións e artistas lucenses serán as primeiras en actuar no novo auditorio”, indicou Maite Ferreiro
A concelleira de Cultura, Turismo e Promoción da Lingua, Maite Ferreiro, indicou que dende a área de Cultura se sigue avanzando de cara á recepción do novo auditorio. Maite Ferreiro indicou que “dende o goberno municipal traballamos para realizar a apertura do novo auditorio con rigor e seriedade”.
Segundo Maite Ferreiro, “antes da recepción da obra, os técnicos de diferentes áreas do Concello, realizaron unha minuciosa inspección para cursar os correspondentes informes”. A edil de cultura declarou que “para garantir a seguridade das veciñas e veciños de Lugo e o bo funcionamento das instalacións, ata que as incidencias atopadas nestas inspeccións non se solucionen, o Concello non aceptará o auditorio”.
“As agrupacións e artistas lucenses, seguindo o criterio que aplicamos dende a área de Cultura nos últimos meses, serán as primeiras en actuar no novo auditorio”, indicou Maite Ferreiro, que engadiu “continuamos así a darlle importancia ao tecido cultural da nosa cidade, e ás obras de gran calidade que realizan”.
Audio
- A concelleira de Cultura, Turismo e Promoción da Lingua, Maite Ferreiro, sobre a apertura do Novo Auditorio | Descargar mp3