Lugo celebra este martes o Día da Optometría xunto ao colexio de Ópticos-Optometristas de Galicia, dedicado, nesta edición á presbicia, que sufren o 45% dos galegos e galegas. Para elo, o colexio instalou unha carpa informativa na Praza Maior, diante da Casa Consistorial, ata onde se achegou a Alcaldesa de Lugo, Lara Méndez.

Durante a visita, a rexedora insistiu na importancia da prevención para a saúde visual. Así mesmo reivindicou a inversión na sanidade pública e avogou por un acceso igualitario á saúde visual, ao tempo que fixo fincapé na importancia da profesión, en crecemento, de óptico-optometrista.

Este colexio oficial, que preside Eduardo Eiroa, manterá ao longo da xornada de hoxe esta mesa informativa e diversas ópticas da cidade informarán ás persoas interesadas.

Audio

• Lara Méndez, sobre o Día da Optometría | Descargar mp3