Lugo acollerá un ano máis o campionato internacional do World Padel Tour

A proba desenvolverase no Pazo Dos Deportes con aforo reducido e todas as medidas sanitarias preceptivas.

Unha competición internacional, que reunirá do 22 ao 26 de setembro, en torno a 150 parellas entre a categoría masculina e feminina.

As semifinais e finais dos torneos Open e Master de World  Padel Tour poderánse ver a través de GOL TV.

Martes, 21 de setembro de 2021
Fonte: 
Gabinete de Prensa
Lugo acollerá un ano máis o campionato internacional do World Padel Tour

O goberno de Lara  Mendez renova a súa aposta para que Lugo sexa unha vez máis escenario do World  Padel Tour, un torneo de carácter internacional que converterá á cidade no centro dos afeccionados a  este deporte.

O Concelleiro de Deportes, Mauricio Repetto; o director nacional de World Pádel Tour, Luis Torres, e as xogadoras e xogador Beatriz Caldera, Carmen Goenaga e Pablo Lijó, presentaban no día de hoxe o Lugo Open, novena proba Open do calendario World  Padel Tour 2021, unha competición internacional, que reunirá do 22 ao 26 de setembro, en torno as mellores 150 parellas mundiais entre a categoría masculina e feminina.

Repetto subliñou que “Lugo volve a facer historia no deporte xa que o World Padel Tour contará coas mellores palas do mundo, que volverán a facer gozar ao público dende o 22 ao 26 de setembro” o edil recalcou, que “eventos como World  Padel Tour sirven para crecer en materia deportiva, e ampliar a experiencia organizativa en grandes eventos deportivos”, o edil destacou tamén o alcance social, turístico e económico para a cidade “nun momento de dificultades económicas derivadas pola pandemia” finou.

O director nacional de World Padel Tour, Luis Torres, agradeceu a colaboración e facilidades que puxo o Concello para que esta proba puidera realizarse e pola que “pasarán entre venres e domingo preto de 4200 espectadores”. Tamén se poderán ver as semifinais e finais dos torneos Open e Master de World  Padel Tour a través de GOL TV.

Entre os participantes estarán as mellores palas do ránking mundial, que veñen directamente da disputa deste pasado fin de semana da celebración do Master de Barcelona:  as parellas actualmente que ocupan o numero 1 e a numero 2 do ranking mundial, así como os finalistas masculinos e femininos deste pasado fin de semana:  Paquito Navarro e a Martin Di Nenno que venceron a Federico Chingotto e Juan Tello na categoría masculina, e Gemma Triay e Alejandra Salazar que venceron en Barcelona a Lucia Sains e Beatriz Gonzalez na categoría feminina.

World Padel Tour 2021

O World  Padel Tour 2021 será a novena edición do circuíto profesional de pádel World  Padel Tour. Esta edición celebrarase ao longo do ano 2021 en seis países e terá tanto categoría masculina como feminina.

Algunhas das cidades que acolleron torneos en España foron Málaga, Lérida, Vigo, El Puerto de Santa María, Albacete, Córdoba, Valladolid e Barcelona.

Audio

  • A alcaldesa de Lugo, Lara Méndez, sobre o World Padel Tour 2021 | Descargar mp3

Noticias relacionadas