Lara Méndez visita o local que a Cruz Vermella acaba de abrir para atender a persoas vulnerables de 5 barrios da cidade

O novo local, na rúa Mallorca, prevé dar servizo a preto de 200 persoas, veciñanza dos barrios da Milagrosa, Lamas de Prado, Milagrosa, Albeiros,  Piringalla e  Paradai.

A rexedora felicitou á iniciativa desta entidade, que “colabora co Concello en numerosas  actividades que estamos a desenvolver cos colectivos máis desfavorecidos”.

Xoves, 10 de marzo de 2022
Fonte: 
Gabinete de Prensa
Lara Méndez visita o local que a Cruz Vermella acaba de abrir para atender a persoas vulnerables de 5 barrios da cidade

A alcaldesa de Lugo, Lara Méndez, acompañou hoxe ao colectivo de voluntarios da Cruz Vermella na presentación do novo local desta entidade, que pon en marcha na rúa Mallorca co fin de atender as necesidades das persoas vulnerables dos barrios da Milagrosa, Lamas de Prado, Milagrosa, Albeiros,  Piringalla e  Paradai.

A rexedora estivo acompañada polo presidente da Cruz Vermella en Lugo, Luis Abelleira; a concelleira de Benestar, Olga López, e o presidente da Federación de Veciños, Jesús Vázquez.

Méndez felicitou á entidade por esta iniciativa, e puxo en valor o traballo do  voluntariado, “clave para a transformación social, ambiental e económica da cidade”. Así mesmo, lembrou que Cruz Vermella “colabora co Concello de Lugo nas numerosas iniciativas que estamos a desenvolver para atender aos colectivos máis desfavorecidos”.

A través de esa instalación, Cruz Vermella pretende dar servizo a preto de 200 persoas e nel  desenvolveranse accións de orientación, acompañamento e mediación social, orientación e intermediación laboral, acompañamento a persoas maiores, reforzo escolar para nenos e nenas, lecer inclusivo e adquisición de competencias básicas para colectivos vulnerables.

Multimedia

  • Lara Méndez visita o local que a Cruz Vermella acaba de abrir para atender a persoas vulnerables de 5 barrios da cidade

Noticias relacionadas