A alcaldesa, Lara Méndez, presidiu esta mañá a toma de posesión dun novo axente da Policía Local, Adrián Cives Barbeira, funcionario de carreira, que desempeñará as súas funcións na Xefatura de Lugo, logo de permutar a súa praza en A Coruña.

No acto, no que tamén estiveron presentes a edil de Recursos Humanos, Paula Alvarellos, e o Inspector Xefe da Policía Local, Jesús Piñeiro, a rexedora aproveitou para darlle a benvida ao novo axente procedente da cidade herculina. Así mesmo, a alcaldesa lembrou que dende o executivo municipal estase a facer un esforzo para reforzar o persoal deste corpo.