A Alcadesa de Lugo en funcións, Lara Méndez, participou este xoves na tradicional campaña de cuestación que organiza anualmente a Asociación Española Contra o Cancro (AECC) para recadar fondos para distintas actividades. O Concello colabora con este colectivo non só nas distinta programación que organiza ao longo do ano, senón tamén cunha achega económica de 2.500 euros, para axudar na atención integral aos doentes e ás súas familias.

Este colectivo lucense sitúa hoxe máis dunha vintena de mesas distribuídas en varios puntos da cidade de Lugo, na que 250 voluntarios e voluntarias ofrecen información e asesoramento a todas as persoas interesadas.