A Concellería de Cultura, Turismo, Xuventude e Promoción da Lingua, informa que o próximo domingo 26 de maio, a compañía de teatro Achádego Teatro, estrea no Auditorio Municipal Gustavo Freire a obra O barco sen mariñeiro.

Trátase dunha tradución e adaptación do grupo da obra de Alejandro Casona que se estreou no Teatro Liceo de Bos Aites, o 24 de agosto de 1945, pero que calquera pode pensar que foi escrita neste mesmo momento xa que a historia que nela se relata responde totalmente á problemática do mundo actual.

O acto comeza ás 20.00 horas e a entrada será libre e gratuíta ata completar aforo.