O aforo permitido será do 90%, feito que estará controlado polo persoal da instalación, a fin de cumprir os protocolos e garantir a seguridade dos usuarios.
As piscinas municipais terán o acceso libre de luns a venres en horario de mañá, e sábados e domingos na súa totalidade.
O goberno de Lara Méndez, a través da Concellería de Deportes que dirixe Mauricio Repetto, informa que a partires do mércores, 3 de novembro, se elimina a cita previa nas Piscinas Municipais de Frigsa e As Pedreiras nalgún dos tramos de horarios.
De tal xeito que “os deportistas poderán acceder libremente ata acadar o aforo do 90% permitido nas instalacións, feito que será controlado polo persoal”, segundo explicou o edil, ao tempo que lembra que permanecerán en vigor o resto das normas sanitarias establecidas, a fin de cumprir os protocolos e garantir a seguridade dos usuarios.
Luns a venres
Horario piscina de Frigsa
- De 07:00 a 15:45, sen cita previa
- De 15:45 a 22:30, con cita previa
- Teléfono de contacto: 982 297 423
Horario piscina de As Pedreiras
- De 08:00 a 15:30, sen cita previa
- De 15:30 a 22:30, con cita previa
- Teléfono de contacto: 982 297 310
Sábados e domingos
A partir do 3 de novembro, todos os sábados e domingos as Piscinas Municipais terán o acceso libre ata acadar o aforo do 90% permitido nas instalacións, en horarios tanto de mañá coma de tarde e ambas as dúas piscinas.