A área de Participación e Servizos para a Veciñanza enviará unha máscara infantil ás nenas e nenos censados en Lugo. Cristina López afirmou que “para o primeiro envío conseguiuse unha partida de 3.000 máscaras, mais nos vindeiros días chegarán ás nenas e nenos de Lugo”.

“Coa entrega, facilitarase o acceso ao manual de uso publicado polo ministerio de Sanidade”, afirmou Cristina López, que engadiu “reducir ao máximo a posibilidade de contaxios entre as nenas e nenos foi unha das prioridades coas que traballamos unha vez o goberno do estado anunciou que permitiría saír da casa ás nenas e nenos”.

As máscaras son lavables, e enviaranse segundo a idade de cada neno, en tallas de 3 a 7 e de 8 a 12 anos. As máscaras están formadas con capas de algodón cun filtro interior e axuste nasal. Segundo afirmou Cristina López, “as autoridades sanitarias desaconsellan o uso de máscaras a menores de 3 anos”.

Audio

• A edil Cristina López, sobre as máscaras infantís | Descargar mp3