Esta actividade ten como obxecto dar a coñecer e favorecer os estilos de vida saudables e as posibilidades de goce que ten a cidade de Lugo para a mocidade e o tema das fotos pode estar orientado ao ocio saudable, hábitos positivos, contrapublicidade do alcohol ou actividades físicas.

O concurso esta aberto a toda a mocidade de entre 16 e 35 anos que poderan presentar ata un máximo de 3 obras en branco e negro ou cor antes do 31 de maio na Casa da Xuventude. Os participantes poderán obtar a tres premios cun valor de 300, 200 e 100 euros en material fotográfico e diploma acreditativo.

As fotografías deberán ir montadas sobre unha base de cartón pluma, e os concursantes responsabilizaranse totalmente de que non existan dereitos de terceiras persoas nas fotografías presentadas. Ademais non poderán levar o nome do autor/autora de xeito visible, e presentaranse nun sobre sen sinatura nin nome, baixo un título ou lema. No seu interior acompañarase outro sobre co mesmo título cos datos persoais do autor ou autora ou dos membros do grupo.